Noong Hulyo 1, 2026, sa pangunguna ng Punongguro ng 𝐆𝐨𝐯𝐞𝐫𝐧𝐨𝐫 𝐅𝐞𝐫𝐫𝐞𝐫 𝐌𝐞𝐦𝐨𝐫𝐢𝐚𝐥 𝐈𝐧𝐭𝐞𝐠𝐫𝐚𝐭𝐞𝐝 𝐍𝐚𝐭𝐢𝐨𝐧𝐚𝐥 𝐇𝐢𝐠𝐡 𝐒𝐜𝐡𝐨𝐨𝐥 (𝐆𝐅𝐌𝐈𝐍𝐇𝐒), 𝐃𝐫. 𝐌𝐚𝐫𝐤 𝐀𝐢𝐫𝐨𝐧 𝐏. 𝐂𝐫𝐞𝐮𝐬, Principal IV, matagumpay na naisagawa ang 𝐔𝐧𝐚𝐧𝐠 𝐏𝐚𝐠𝐩𝐮𝐩𝐮𝐥𝐨𝐧𝐠 𝐧𝐠 𝐒𝐜𝐡𝐨𝐨𝐥 𝐏𝐚𝐫𝐞𝐧𝐭-𝐓𝐞𝐚𝐜𝐡𝐞𝐫 𝐀𝐬𝐬𝐨𝐜𝐢𝐚𝐭𝐢𝐨𝐧 – 𝐁𝐨𝐚𝐫𝐝 𝐨𝐟 𝐃𝐢𝐫𝐞𝐜𝐭𝐨𝐫𝐬 (𝐒𝐏𝐓𝐀-𝐁𝐎𝐃) para sa Taong Panuruan 2026–2027.
Sa pagpupulong, tinalakay ang mahahalagang usapin, programa, at mga inisyatibang nakatuon sa pagpapalakas ng ugnayan ng paaralan at ng mga magulang. Binigyang-diin din ang mahalagang papel ng SPTA Board of Directors sa pagsusulong ng mga programang magpapabuti sa kapakanan, kaligtasan, at holistikong pag-unlad ng mga mag-aaral.
Naging makabuluhang pagkakataon din ang pagpupulong upang pagtibayin ang pagkakaisa, bukas na komunikasyon, at sama-samang pananagutan ng paaralan at ng mga magulang. Sa pamamagitan ng matatag na pakikipagtulungan, higit na maisusulong ang mga adhikain ng paaralan tungo sa de-kalidad na edukasyon at mas maunlad na kinabukasan para sa bawat Ferrerian.