𝐏𝐀𝐆𝐋𝐈𝐍𝐆𝐀𝐏: 𝐍𝐔𝐑𝐓𝐔𝐑𝐈𝐍𝐆 𝐀𝐍𝐃 𝐆𝐔𝐈𝐃𝐈𝐍𝐆 𝐎𝐔𝐑 𝐘𝐎𝐔𝐓𝐇 𝐅𝐎𝐑 𝐀 𝐒𝐓𝐑𝐎𝐍𝐆𝐄𝐑 𝐍𝐀𝐓𝐈𝐎𝐍

Isang umagang puno ng pagkalinga, paggabay, kaalaman, at malasakit ang naging tampok sa 𝐆𝐨𝐯𝐞𝐫𝐧𝐨𝐫 𝐅𝐞𝐫𝐫𝐞𝐫 𝐌𝐞𝐦𝐨𝐫𝐢𝐚𝐥 𝐈𝐧𝐭𝐞𝐠𝐫𝐚𝐭𝐞𝐝 𝐍𝐚𝐭𝐢𝐨𝐧𝐚𝐥 𝐇𝐢𝐠𝐡 𝐒𝐜𝐡𝐨𝐨𝐥 (𝐆𝐅𝐌𝐈𝐍𝐇𝐒) sa isinagawang programa na may temang, “𝐏𝐀𝐆𝐋𝐈𝐍𝐆𝐀𝐏: 𝐍𝐮𝐫𝐭𝐮𝐫𝐢𝐧𝐠 𝐚𝐧𝐝 𝐆𝐮𝐢𝐝𝐢𝐧𝐠 𝐎𝐮𝐫 𝐘𝐨𝐮𝐭𝐡 𝐟𝐨𝐫 𝐚 𝐒𝐭𝐫𝐨𝐧𝐠𝐞𝐫 𝐍𝐚𝐭𝐢𝐨𝐧” nitong 𝐒𝐞𝐭𝐲𝐞𝐦𝐛𝐫𝐞 𝟐𝟒, 𝟐𝟎𝟐𝟔, mula 9:00 hanggang 12:00 ng tanghali sa 3rd Floor ng Administration Building ng paaralan.

Ang programa ay itinaguyod ng 𝐑𝐨𝐭𝐚𝐫𝐲 𝐂𝐥𝐮𝐛 𝐨𝐟 𝐂𝐚𝐯𝐢𝐭𝐞 𝐂𝐞𝐧𝐭𝐫𝐨 – 𝐑𝐈 𝐃𝐢𝐬𝐭𝐫𝐢𝐜𝐭 𝟑𝟖𝟏𝟎, katuwang ang S𝐒𝐮𝐩𝐫𝐞𝐦𝐞 𝐒𝐞𝐜𝐨𝐧𝐝𝐚𝐫𝐲 𝐋𝐞𝐚𝐫𝐧𝐞𝐫 𝐆𝐨𝐯𝐞𝐫𝐧𝐦𝐞𝐧𝐭 (𝐒𝐒𝐋𝐆) sa paggabay ng kanilang adviser na si 𝐌𝐬. 𝐀𝐧𝐚𝐥𝐢𝐧𝐝𝐚 𝐃. 𝐋𝐚𝐠𝐚𝐧𝐳𝐨, at ang Kagawaran ng Araling Panlipunan sa pangunguna ni 𝐆𝐧𝐠. 𝐉𝐨𝐜𝐞𝐥𝐲𝐧 𝐑. 𝐋𝐚𝐱𝐚𝐦𝐚𝐧𝐚. Mainit namang tinanggap ng pamunuan ng paaralan, sa pangunguna ni 𝐃𝐫. 𝐌𝐚𝐫𝐤 𝐀𝐢𝐫𝐨𝐧 𝐏. 𝐂𝐫𝐞𝐮𝐬, Principal IV, ang mga panauhin, tagapagsalita, at mga kinatawan ng Rotary Club na naglaan ng kanilang panahon at kaalaman para sa mga kabataang Ferrerian.

Bahagi ng programa ang mga makabuluhang talakayan para sa kabataan na ibinahagi ng mga resource speaker na sina 𝐀𝐭𝐭𝐲. 𝐂𝐚𝐭𝐡𝐞𝐫𝐢𝐧𝐞 𝐃𝐞 𝐆𝐮𝐳𝐦𝐚𝐧-𝐁𝐞𝐫𝐧𝐚𝐫𝐝𝐨; 𝐏𝐚𝐮𝐥 𝐑𝐲𝐚𝐧 𝐘𝐠𝐫𝐮𝐛𝐚𝐲, Campus Missionary – General Trias; 𝐇𝐮𝐞𝐠𝐞𝐥𝐥𝐞 𝐒𝐚𝐦 𝐉𝐮𝐚𝐧, Campus Missionary – General Trias; at 𝐉𝐚𝐧𝐧 𝐏𝐚𝐮𝐥𝐢𝐧𝐞 𝐘𝐠𝐫𝐮𝐛𝐚𝐲, Registered Psychometrician. Sa pamamagitan ng kanilang mga mensahe at pagbabahagi, nabigyan ang mga mag-aaral ng mahahalagang kaalaman, pananaw, at inspirasyong makatutulong sa kanilang personal na pag-unlad at sa pagharap sa mga hamon ng pagiging kabataan.

Higit pang naging makabuluhan ang PAGLINGAP sa pagkakaloob ng 𝐋𝐈𝐁𝐑𝐄𝐍𝐆 𝐄𝐘𝐄 𝐂𝐇𝐄𝐂𝐊 sa mga mag-aaral sa pangunguna ni 𝐃𝐫. 𝐖𝐢𝐥𝐦𝐚 𝐍𝐢𝐞𝐯𝐚 ng Rotary Club, isang serbisyong nagpapakita na ang tunay na pagkalinga sa kabataan ay hindi lamang nakatuon sa kanilang kaalaman at pagpapahalaga, kundi maging sa kanilang kalusugan at pangkalahatang kapakanan.

Ang PAGLINGAP ay isang patunay na higit na nagiging makabuluhan ang paghubog sa kabataan kapag nagsasanib-puwersa ang paaralan, mga guro, learner leaders, professionals, community partners, at civic organizations para sa iisang layunin—ang makapagpalaki ng kabataang may kaalaman, mabuting pagpapahalaga, malasakit sa kapwa, at kahandaang maging responsableng mamamayan.

Sa bawat kabataang ating kinakalinga, ginagabayan, at binibigyang-lakas, isang mas matatag na kinabukasan para sa ating bayan ang ating sama-samang binubuo.

Maraming salamat, Rotary Club of Cavite Centro – RI District 3810, sa inyong PAGLINGAP at malasakit sa kabataang Ferrerian!

#PAGLINGAP2026

#RotaryClubOfCaviteCentro

#RIDistrict3810

#YouthEmpowerment

#TatakFERRERIANS